Policia norvegjeze tha të martën se djali 27-vjeçar i princeshës norvegjeze të kurorës Mette-Marit ishte arrestuar nën dyshimin për përdhunim. Policia tha se Marius Borg Hoiby, i cili lindi nga një lidhje para martesës së Mette-Marit në 2001 me Princin e Kurorës Haakon, ishte arrestuar të hënën në mbrëmje.
Viktima e supozuar është një grua rreth të 20-ave e cila nuk e njihte Høiby përpara se ta takonte atë ditën e incidentit të supozuar, tha avokati i saj Hege Salomon për CNN. Ajo nuk ishte në një lidhje me Høiby.
27-vjeçari Marius Borg Høiby është thjeshtri i trashëgimtarit të fronit, princit të kurorës Haakon por nuk gëzon titull mbretëror ose një funksion zyrtar.
Borg Hoiby u rrit nga çifti mbretëror së bashku me njërkun e tij, Princeshën Ingrid Alexandra, 20 vjeç dhe Princin Sverre Magnus, 18 vjeç, por nuk ka asnjë rol zyrtar publik. Arrestimi për përdhunim vjen vetëm disa muaj pasi ai u akuzua për lëndim trupor pas një sherri gjatë natës më 4 gusht në apartamentin e një gruaje në Oslo me të cilën ai kishte një lidhje, tha policia.
Høiby tani është akuzuar për vepra të ndryshme kundër pesë personave të ndryshëm – katër gra dhe një burrë.
Tre nga gratë kanë qenë në një lidhje me Høiby, raportoi NRK, duke shtuar se ai është akuzuar për abuzim në marrëdhënie të ngushta ndaj të tre grave./vizionplus.tv
