AnëtarI i kryesisë së PD-së, Arben Ristani nuk do të jetë në listat e kandidatëve për deputetë të PD në zgjedhjet parlamentare. Këtë e konfirmoi vetë ai, teksa ishte i ftuar në studion e emisionit “Quo Vadis”.
Ai zbuloi se ishte vendimi i kreut të demokratëve, Lulzim Basha që Ristani mos të futej në listat e 25 prillit.
“Nuk do të jem në listat e PD të 25 prillit. Ka qenë nje proces i gjatë procesi i listave. Unë kam patur bisedat e mia me kreun e partisë, sipas të cilave u vendos qe te jem jashte. Nuk është pjesë e dëshirës sime, aq më tepër që për një politikan, Parlamenti është momenti ku mund të ushtrojë detyrën e tij. Nuk e kam përcjellë me kenaqësi, por kemi një qëllim tjetër më madhor, përtej interesave personale. Qëllimi është që PD të vijë së shpejti në pushtet. Une e nisa politikën për të kontribuar atje.”
