Ambasadori britanik në Tiranë, Duncan Norman, ka reaguar në lidhje me protestën e opozitës.
Përmes një postimi në profilin e tij Twitter, ambasadori Norman, kërkon nga protestuesit që të largohen nga aktet e dhunës.
“Sot është një mundësi për të ushtruar të drejtën tuaj për të protestuar. Megjithatë kjo e drejtë duhet të ushtrohet në mënyrë paqësore; dhuna minon demokracinë. Ne i bëjmë thirrje të gjithëve që të tregojnë përmbajtje, të respektojnë institucionet demokratike dhe parimet e paqes”.
