Britania e madhe është e shqetësuar, por jo e frikësuar nga sulmi me agjente nervore ne territorin e saj qe ja faturon Rusisë dhe per te cilin ka reaguar tashme me masat e marra kundër diplomateve, por edhe me sanksione qe po vihen ne veprim.
Ne nje dalje te posaçme per mediat, ambasadori i Mbretërisë se Bashkuar ne Shqipëri, Duncan Norman theksoi se nuk është thjesht nje loje spiunesh siç edhe mund te duket, por megjithe metodat e luftës se ftohte serish nuk ka vend per panik.
Megjithëse nuk deshi te përfshihej ne debatin e ditëve te fundit mes PS dhe PD për ndikimin rus ne Shqipëri, zoti Norman theksoi se ndikimi ndjehet madje e shembulli i Malit te Zi vërteton nje gjë te tille.
Ambasadori ka siguruar se Britania është e përgatitur te përballoje çdo kundërveprim te Rusisë, qofte ky edhe ne rrafshin ekonomik, apo energjetik dhe se do te mbroje interesat e qytetareve britanike kudo qe ata ndodhen.
