“E urrej Amerikën!”, – kjo ishte përgjigja e shkencëtarit të njohur Alan Turing ndaj ftesës së zyrtarëve të inteligjenciës britanike për të mbajtur një ligjëratë në SHBA, e cila ka dalë në dritë 30 vjet më vonë pas mbylljes së dosjeve të tij.
Bashkë me këtë letër janë zbuluar dhe të paktën 148 dokumente të tjerë të matematikanit Britanik, personi i cili ka hedhur bazat e kodimit të mesazheve.
Letra e Turing vinte si një përgjigje për të mbajtur një referim në SHBA, ndaj një konference shkencore që mbahej për kibernetikën në vitin 1953 në këtë shtet. Ai e refuzoi këtë ftesë duke shkruar një mesazh të shkurtër: “Nuk do të më pëlqente ky udhëtim sepse e urrej Amerikën.”
Alan Turing ishte një nga pionierët e shkencës moderne kompjuterike. Ai njihet në mbarë botën për krijimin e një makinerie e cila arriti të zbërthente kodin “Enigma” të Gjermanëve gjatë Luftës së Dytë Botërore.
Falë kontributit e tij, në zbulimin e mesazheve të kriptuara gjermane, Alan Turing dha ndihmën e tij në fundin e luftës duke shpëtuar mijëra jetë njerëzish.
