Përballja me drejtësinë. Kjo është rruga ligjore që Partia Socialiste do të ndjekë për këdo që ka manipuluar me të dhënat e aplikacionit “Aktivisti”.
Në Facebook, kryeministri Edi Rama e quan përpjekje të dëshpëruar të opozitës për të hedhur baltë mbi një aplikacion që nuk përshin të dhëna të ndjeshme të përdoruesve të tij, por është vetëm një dritare komunikimi mbi aktivitetet e Partisë Socialiste dhe qeverisë.
Pas kryeministrit Edi Rama, ishte sekretari digjital i socialistëve, Etjen Xhafaj që deklaroi se as administrata publike dhe as anëtarët e partisë nuk janë detyruar të jenë një nga anëtarët e aktivistit.
ETJEN XHAFAJ
SEKRETARI DIGJITAL, PS
Unë ju kam bërë thirrje mbështetësve të PS në takime të PS që ta ndjekin aplikacionin dhe të rregjistrohen aty por asnjëherë administratës publike. Në asnjë rast nuk është detyruar njeri, dënuar njeri apo ankimuar ndaj dikujt pse nuk ka qenë apo nuk është bërë aktivist. Në qoftë se gjeni një njeri të cilin mund ta kem intimiduar, kërkuar, kërcënuar apo çfarëdo thuhet, që i kam thënë o futesh aty osë kështu, atëherë jam shumë dakort ta lë mandatin dhe dorëzohem më të gjitha. Ajo që bëjmë ne nuk del aq shpesh. Që kështu rrjedhimisht ne i kemi kanalizuar në një aplikacion që të kenë mundësi t’i shikojnë.
“Aktivisti” tha Etjen Xhafaj është një aplikacion ku përdoruesit e tij vlerësohen me pikë për çdo pëlqim mesazh apo shpërndarje të aktiviteteve të qeverisë dhe drejtuesve të PS-së. Ai e mohoi pretendimin e opozitës se pikët e grumbulluara përdoren si presion për vendin e punës. Por për çfarë shërbejnë pikët? Etjen Xhafaj dha këtë sqarim.
ETJEN XHAFAJ
SEKRETARI DIGJITAL, PS
Në një pjesë të veprimeve që bëhen brenda aplikacionit ka një sistem pikëzimi, ku shikojmë sa aktivi janë njerëzit dhe nga ata që janë përdoruesit shikohen ata që janë më të mirët. Para t’i shikon këtë të 10-të në bashkinë ë Kavajaës dhe Rrogozhinës, ku jam unë deputet janë shumë aktiv dhe deputeti i zonës i takon dhe u thotë, si mund t’iu ndihmojë unë që të jemi më aktiv, ta shpërndajmë këtë lajm sepse në fund të ditës është çështje komunikimi.
Për akuzat e opozitës se “Aktivisti” është një aplikacion që synon të kontrollojë dhe të kërcënojë punonjësit e administratës publike me vendin e punës, Etjen Xhafaj tha se janë përpjekje e dështuar për të justifikuar humbjen në vendoret e 14 majit.
