Trafik i dendur është krijuar në autostradën Tiranë-Durrës, pas aksidentimit të trajlerit në të cilin ndodhej gruri i ardhur nga Ukraina.
Rradha e gjatë është shkaktuar si pasoje e derdhjes së grurit në mes të rrugës. Policia Rrugore ndodhet në vendngjarje dhe po punon për lehtësimin e trafikut.
Lidhur me aksidentin ka ardhur edhe reagimi i policisë, ku përmes një njoftimi bën me dije se dëmet janë vetëm materiale.
Sipas bluve, aksidenti ka ndodhur në orën 14:05 minuta, ku shoferi me iniciale A.A ka humbur kontrollin dhe ka dalë nga rruga.
Tiranë/Informacion paraprak
Më datë 12.08.2022, rreth orës 14:05, në autostradën Durrës-Tiranë, shtetasi A. A., duke drejtuar mjetin (kamion të ngarkuar me grurë), dyshohet se ka humbur kontrollin mbi drejtimin e mjetit dhe për pasojë mjeti ka dalë nga rruga.
Si pasojë e aksidentit janë shkaktuar vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të aksidentit.
