Një aksident i rëndë është regjistruar në orët e para të mëngjesit të sotëm te “Shkalla e Tujanit” në Tiranë.
Rreth orës 02:30 të mëngjesit, një motor është përplasur me një makinë.
Lexo edhe :
Related Posts
Gazetari i Vizion Plus, Esido Barkaj mëson se si pasojë e aksidentit kanë ndërruar jetë dy persona, drejtuesi i motorit dhe pasagjeri.
“Më datë 14.05.2025, rreth orës 02:30, në aksin rrugor “Shkalla e Tujanit”-Zall Dajt”, dyshohet se automjeti me drejtues shtetasin O. C., 24 vjeç, është përplasur me motomjetin me drejtues shtetasin B. H., 23 vjeç dhe pasagjer shtetasin O. L., 18 vjeç. Si pasojë e aksidentit kanë humbur jetën shtetasit B. H. dhe O. L”, njoftoi policia.
Shërbimet e Policisë kanë shoqëruar dhe arrestuar drejtuesin e automjetit, shtetasin O. C., i dyshuar për shkelje të rregullave të qarkullimit rrugor.
Grupi hetimor vijon punën për zbardhjen e rrethanave të aksidentit./vizionplus.tv
