Kryetarja e Komisionit për Punën, Çështjet Sociale dhe Shëndetësinë, Zheni Gjergji ka reaguar pas largimit të Albana Ficos nga nga drejtimi i Qendrës Spitalore Universitare “Nënë Tereza”.
Përmes një postimi në Facebbok, Zheni Gjergji thotë se vendimi i qeverisë që të largojë Ficon nga ky post është masë gjysmake për shfaqje.
Lexo edhe :
Related Posts
Gjergji i referohet zjarrit që ra në Urgjencën e QSUT-së më 11 shkurt. Ajo thotë se për këtë zjarr është me rëndësi që të behet një hetim i plotë dhe trasnparent, nuk mjafton largimi i Albana Ficos.
Ajo totë se Qeveria është përgjegjëse për paratë e çuara dëm, e sidomos për koston që kjo ka sjellë tek shëndeti i qytetarëve duke qënë se Urgjenca nuk funksionon prej muajsh tanimë.
Postimi i plotë nga Zheni Gjergji në Facebook
“Nuk mbulohet skandali i Urgjencës me masa gjysmake. Prej ditës së parë kur Urgjenca e QSUT u përshi nga flakët ku u bë shkrumb një investim prej 17 milionë eurosh i taksapaguesve shqiptarë, kemi ngritur zërin e kemi kërkuar hetim, transparencë e përgjegjësi para ligjit.
Pas disa javësh heshtje dhe errësirë, qeveria vendosi të largojë Drejtuesen e QSUT.
Këto janë masa gjysmake për shfaqje. Qeveria duhet të tregojë çfarë ndodhi, pse ndodhi, si nuk u menaxhua si duhet ajo situatë?
Qeveria është përgjegjëse për paratë e çuara dëm, e sidomos për koston që kjo ka sjellë tek shëndeti i qytetarëve duke qënë se Urgjenca nuk funksionon prej muajsh tanimë.
Ky rast flagrant papërgjegjshmerie tregon raportin e vërtetë që rilindja ka me shëndetësinë, ku aferat e skandalet synon t’i zbehë me shoë e propagandë. Opozita do ta kërkojë deri në fund të vërtetën për Urgjencën e çdo abuzim që është bërë në këtë sektor jetik.”
/vizionplus.tv/
