Paraditen e kësaj të martë, PD akuzoi bashkinë e Tiranës dhe kryebashkiakun Veliaj se në shkelje të ligjit, me paratë e rindërtimit po shpërblen militantët e partisë në pushtet duke u ndërtuar banesa të reja, ndonëse kanë një ose më shumë banesa të tjera.
Ina Zhupa tha se shtetasi Lulzim Ali Aga po përfitonte nga rindërtimi në Vaqarr ndonëse ai kishte edhe katër prona të tjera.
Mirëpo i menjehershëm ishte reagimi i Bashkisë së Tiranës që ka dhënë prova të cilat sipas saj, dëshmojnë mashtrimin e selisë blu. Zyra e medias në bashkinë e Tiranës tha se PD është bërë qesharake më së shumti sepse në këtë rast shtëpia në këtë zonë po I rindërtohet shtetasit Luli Shaban Aga dhe jo shtetasit Lulzim Ali Aga sic pretendon PD.
Në një deklaratë qesharake të publikuar sot, një spikere e PD-së pretendoi se shtetasi Lulzim Ali Aga nga Vishnja e Vaqarrit, ka përfituar nga programi i rindërtimit dhe po i rindërtohet shtëpia, ndërkohë që sipas saj, ai zotëron 4 prona të tjera.Lulzim Ali Aga mund t’i zotërojë pronat që pretendon PD-ja, por ky shtetas nuk ka aplikuar asnjëherë për të përfituar nga programi i rindërtimit dhe për pasojë, Bashkia e Tiranës nuk po i ndërton atij shtëpinë.Në Njësinë Administrative Vaqarr në datën 21 shkurt 2020 ka aplikuar shtetasi Luli Shaban Aga, shtëpia e të cilit është klasifikuar e kategorisë DS5, për rindërtim.
Bashkia e Tiranës akuzoi PD se e ka bërë të rrugës tashmë mashtrimin nëpërmjet ndryshimit të identitetit të banorëv e të Tiranës, vetëm për interesa të momentit.
Njësoj si në rastin e Tatjanës nga Njësia 4, të cilës Lulzim Basha dhe Partia Demokratike i ndryshuan identitetin dhe e bënë Fatime, për të mashtruar qytetarët e Tiranës, edhe sot Luli Shaban Agës i ndërruan identitetin dhe e kthyen në Lulzim Ali Aga për të fabrikuar gënjeshtrën e radhës.Por, me sa duket, PD-ja ka ngatërruar Lulin hallexhi të tërmetit me Lulin e 4 vilave pas tërmetit.
