5 qytetarë kanë ndërruar jetë gjatë 24 orëve të fundit në vend, ndërsa 123 persona janë konfirmuar pozitivë me COVID, nga 474 testime të kryera.
Nuk e kanë fituar dot betejën me sëmundjen në dy spitalet Covid, 3 qytetare nga Shkodra; një 47-vjeçare, një 51-vjeçare, një 72-vjeçare, me disa sëmundje bashkëshoqëruese. Kanë humbur jetën edhe 2 qytetarë nga Tirana; një 65-vjeçar pa sëmundje të tjera dhe një 70-vjeçar me sëmundje bashkëshoqëruese.
Ministria e Shëndetësisë deklaroi se këtë të diel janë shëruar 57 qytetarë, duke e çuar numrin e të shëruarve gjithsej në 3018 pacientë.
Në spitalin Infektiv dhe “Shefqet Ndroqi” po trajtohen 120 pacientë, 18 janë në terapi intensive, 6 prej të cilëve pacientë të intubuar.
“2335 raste aktive rezultojnë në të gjithë vendin dhe po ndiqen nga mjekët e familjes.”
Shpërndarja gjeografike e rasteve aktive sipas qarqeve:
Tiranë 1285
Durrës 291
Shkodër 215
Fier 95
Vlorë 93
Lezhë 79
Korçë 75
Kukës 68
Elbasan 52
Berat 29
Dibër 28
Gjirokastër 25