Parandohet një ngjarje kriminale në kryqytet. Policia e Tiranës ka arrestuar një 43-vjeçar, pasi akuzohet se ka kanosur me armë zjarri ish-bashkëshorten e tij.
Në pranga përfundoi shtetasi me iniciale A.M.
Sherbimet e Komisariatit të Policisë Nr.1, pas njoftimit të marrë se në Sauk, në ambientet e banesës, shtetasi A. M., po kanoste me armë zjarri ish-gruan kanë shkuar në adresën e dhënë dhe arrestuan autorin.
Gjatë kontrollit të banesës, Policia gjeti dhe sekuestroi 1 armë zjarri pistoletë dhe municion luftarak.
