Shënohet viktima e katërt nga koronavirusi në Greqi. Mediat greke raportojnë se bëhet fjalë për një 53-vjeçar që ishte i shtruar në spital në Selanik.
Kujtojmë që të shtunën humbën jetën dy pacientë të tjerë, një 67-vjeçar në Spitalin e Përgjithshëm të Zakynthos dhe një 90-vjeçar në Spitalin e Përgjithshëm Ptolemais. Deri tani janë 220 të infektuar në shtetin grek, nga të cilët 57 persona janë shtruar në spital.
22 nga rastet e reja kanë të bëjnë me transmetimin e mundshëm brenda vendit, pasi ata nuk kanë histori udhëtimi në vendet e prekura.
