Kryetari i Grupit Parlamentar të PS, Taulant Balla ka uruar FRESSH-in me rastin e 29 vjetorit të krijimit.
Ndërsa e konsideroi organizatën më të madhe politike rinore në Shqipëri, Balla tha se PS mbetet gjithmonë partia më e hapur dhe më mbështetësie ndaj të rinjve.
Ndër të tjera, ai nënvizoi se aleati i vetëm i PS-së janë njerëzit e zakonshëm që duan të kontribuojnë për të ardhmen e vendit.
“Këto dy vite nuk i kemi festuar siç keni dashur, pasi kanë qenë dy vite të vështira, sot kemi nisur të buzëqeshim pas pandemisë, përpara kemi ditë më të mira, por ju kujtoj që lufta nuk ka mbaruar ende. Zgjedhjet e 25 prillit janë një moment i rëndësishëm, ne si PS i kemi hapur dyert për djem e vajza, burra e gra, profesionistë të shkëlqyer. Dëshira dhe vullneti ynë i palëkundur është të votojnë të gjithë shqiptarët jashtë territorit tonë aty ku janë e jetojnë. Ata të shprehin mendimin për drejtimin që duan të ecë Shqipëria. Aleati ynë i vetëm janë njerëzit e zakonshëm, djem e vajza si ju që duan të kontribuojnë për të ardhmen e vendit.”
