Kjo e shtunë shënon 14-vjetorin e anëtarësisë së Shqipërisë në Nato.
Presidenti i Republikës, Bajram Begaj, në një postim në rrjetet sociale shkruan se Shqipëria është krenare që është pjesë e aleancës më të fuqishme dhe më të suksesshme në botë.
Edhe ambasada amerikane në Tiranë vlerëson partneritetin me Shqipërinë, duke e konsideruar atë si një anëtare vendimtare të aleancës, e cila ka treguar përkushtim në promovimin e paqes dhe sigurisë.
Më 1 prill 2009 Shqipëria u bë anëtare me të drejta të plota në organizatën e traktatit të atlantikut të veriut – NATO, pas përfundimit të ratifikimit të protokollit të anëtarësimit nga të gjitha vendet aleate.