Këtë të hënë pritet të mbërrijnë në Shqipëri edhe 12.870 doza të tjera të vaksinës Pfizer.
Ministrja e Shëndetësisë, Ogerta Manastirliu tregoi se cilat do të jenë kategoritë që do të vaksinohen me to.
Nga dozat që vijnë, 8.190 janë nga kontrata me Pfizer dhe 4.860 nga mbështetja e Bashkimit Evropian.
“Sot presim sërish doza të vaksinave Pfizer, nëpërmjet kontratës sonë me me Pfizer, gjithashtu edhe kontratës pjesë e mbështetjes së Bashkimit Europian do të mbërrijnë sot në vend 12,870 doza të vaksinës Pfizer. Ato do të shpërndahen menjëherë në të gjithë territorin për të vijuar qoftë me vaksinimin e kategorive të planifikuara, qoftë me rivaksinimin, me dozat e dyta me këtë vaksinë”, tha ajo nga qendra e re shëndetësore Synej, në Kavajë.
Deri më sot kanë mbërritur mbi 760 mijë doza vaksinash anti-COVID.