Teci I Vlores mund te konsiderohet sot nje investim I gabuar.Të enjten më 22 nëntor, në Washington në takimin e Bordit të drejtoreve të Bankës Boterore,vleresohej:
“TEC-i i Vlorës është një kërcënim për mjedisin dhe projekti në fjalë është zbatuar me shumë probleme, për sa i përket vlerësimit , vendndodhjes, e konsultimit te tij”.
Raporti I Panelit te Inspektimit te Bankes Boterore është diskutuar nga Bordi i Drejtorëve Ekzekutivë së bashku me të Ekipin Menaxhues, që i përgjigjet këtij hetimi.
Paneli i Inspektimit i Bankës Boterore, I drejtuar nga Verener Kinene, i aktivizuar,ne çështjen e TECit të Vlorës, pas kërkesës se një grupi qytetarësh, konkludoi në raportin e se enjtes, se nuk janë respektuar disa kushte te politikave, lidhur me vlerësimin ekonomik,qe duhet te mbahen parasysh te pakten ne te ardhmen...
“Për sa i takon së ardhmes, Paneli pajtohet me nevojën për një Plan të detajuar për reagimin ndaj derdhjeve të naftës, përpara se termocentrali të vihet plotësisht në punë. Është e nevojshme të sigurohet sa më pare, blerja pa vonesë e pajisjes së nevojshme, si dhe të ndihmohen autoritetet shqiptare ne ngritjen e strukturave, për të bërë të mundur një reagim të shpejtë ndaj rrjedhjeve të mundshme të naftës, që mund të kërcënonin Gjirin e Vlorës dhe industrinë e turizmit atje”.
Një shqetësim i Panelit të Inspektimit ishte, se studimi i fizibilitetit dhe ai i vlerësimit të mjedisit, u përgatitën nga një firmë e vetme konsulente,qe nuk perputhet me politikën e vlerësimit mjedisor,qe kerkon konsultime më të gjera. Bordi ra dakord që Ekipi t’i raportojë,lidhur me zbatimin e Plan-Veprimit, pas gjashtë muajsh. Edhe zevendes presidenti I Bankes Boterore per Europen e Azine Qendrore Filip Le Huero,ishte teper I qarte ndersa pohonte:

“Zhvillimi ekonomik i Shqipërisë paguan një çmim të lartë nga mungesat në furnizimin e vendit me energji elektrike”,por janë shqiptarët, ata që paguajnë çmimin përfundimtar,duke u privuar nga ndriçimi, ngrohja, ftohja, dhe gatimi, të cilat prekin cilësinë e jetës dhe shëndetit, si dhe u kufizon mundësinë për arsimim. Ne po punojmë me qeverinë shqiptare për ta bërë këtë Projekt më të mirin e mundshëm. Ne do t’i përvetësojmë mësimet që përcaktoi Paneli i Inspektimit dhe do t’i zbatojmë ato gjerësisht në punën tonë.”

Vlerësohet se shpenzimet e përgjithshme për Projektin arrijnë në 112.66 milionë dollarë amerikanë,shume kjo e kredituar nga Shoqata Ndërkombëtare për Zhvillim e Bankës Botërore,Banka Evropiane për Rindërtim dhe Zhvillim dhe një huaje te Bankës Evropiane për Investim.
Ashtu si në rastin e skandalit të Jalës, në qendër të të cilit, ishte dhëndri i kryeministrit, Berisha, edhe në rastin e TEC-it të Vlorës, qeveria ka drejtuar gishtin e fajita nga Banka Botërore,për dështim me projektet.
Duke folur për raportin e Panelit të Investigimit, ministri i ri i Energjitikës, Dritan Prifti, tha se pergjegjese, është Banka Botërore. Ai tha se TEC-i është i një teknologjie shumë të avancuar, edhe pse Banka Botërore, pohon krejt të kundërtën, kur pranon se ekziston një rrezik potencial për Gjirin e Vlorës. Njelloj se në rastin e Jalës, kur dhëndri i Berishës, duke u fshehur pas logos së Bankës Botërore, ndërmori shkatërrimin e shtëpive të banorëve, edhe kësaj radhe, fajtori, qëndron në ekzekutiv. faqja tjeter

.