HKryeminsitri Sali Berisha po përqet muajt e fundit, të prodhojë një debat rreth një plani për Bashkim Kombëtar me Kosovën, të cilin pastaj e shtyn tutje në kohë, pas futjes së dy shteteve në Bashkimin Evropian. Retorika nacioanliste e Berishës, është në kontrast të thellë me qëndrimet e tij të mëparshme të matura dhe shumë të kujdesshme rreth cështjes së raportve Kosovë Shqipëri. Prej vitit 1992 kur ai ka ardhur për herë të parë në pushtet në Shqipëri artikulimet e tij për Kosovën, kanë qenë të kujdesshme duke iu referuar vullnetit të shqiptarëve në Kosovë dhe përpjekjeve të tyre për pavrësi.

Për herë të parë cështjen e Kosovës Berisha tentoi ta përdorte në vitin 1996, pasi vendi kishte hyrë në krizë police nga prishja e zgjedhjeve të 26 majit. Në vjeshtën e vitit 1996, Sali Berisha pati një ftohje të qartë me Rugovën dhe kërkoi radikalizimin e vijës police në Kosovë, duke iu ofruar mbështetje lidedërve më radikalë. Mesazhi i tij nuk u prit mirë në Kosovë, dhe LDK, partia më e madhe në atë kohë në Kosovë, ftohu marrëdhëniet me Berishën. Rugova edhe pse i heshtur bëri gjeste të qarta refuzuese ndaj përpjekjeve të Berishës për të përdorur Kosovën për interesa të tij politike.

Gjatë luftës në Kosovës, Berisha po ashtu mbajti qëndrime të kujdesshme dhe respektoi përgjithësisht të dy palët, edhe pse shpesh u konfrontua me vijën radikale të UCK-së për shkak të raporteve të tij me Bukoshin dhe Rugovën. I gjendur në opozitë dhe i izoluar ndërkombëtarisht, ai u pengua të vizitojë Kosvën në vitin 2000, duke u bllokuar në kufi, nën ndikimin e liderëve shqiptarë në Kosovë, të cilët e shikonin si një telash më shumë vajtjen e Berishës në Kosovë. Hashim Thaci në atë kohë kryeministër, natyrisht që nxiti ndalimin e Berishës, kurse Rugova në atë kohë president, nuk u shqetësua nga ky vendim. Berisha e përjetoi keq bllokimin në kufi, por ruajti qëndrime të kujdesshme ndaj Kosovës në fjalorin e tij politik.
Vizita e tij e parë në Kosovë ishte kur vdqi Ibrah Rugova. Distanca e tyre e fshehtë u ruajt deri në vdekje të Rugovës. Pas vdekjes së tij, historia e kaluar u harrua. Në maj të vitit 2006, Berisha shkoi në Kosovë zyrtarisht dhe vizta e tij ishte shumë popullore. I rikthyer në pushtet dhe në mungesë të Rugovës, ai ishte tashmë një figurë karizmatike që ngjallte besim te një shoqëri që ndjen uri për lidera populist.
Edhe pas shpalljes së pavarësisë, Berisha vazhdoi të ruante fjalorin e kujdesshëm për Kosovën. Në një emision televiziv në Tv Klan, pas shpalljes së pavarësisë, Berisha është shprehur se shqiptarët nuk duan të bashkohen në një shtet të vetëm. Sipas tij: Dëshira për bashkim ka marrë përgjigje negative në Kosovë, ashtu sic nuk ka marrë përgjigje pozitive në Shqipëri.
Sipas Berishës, kosovarët luftuan për pavarësi dhe jo për bashkim. Ndërsa shqiptarët e Shqipërisë nuk kanë shprehur në mënyrë të organizuar dëshirën për bashkim. Berisha u shpreh se që në vitin 1992, politikanët e Kosovës kishin kërkuar vetëm pavarësi për Kosovën dhe jo bashkim me Shqipërinë. Në favor të argumentit të tij, Berisha tha se partitë politike që kanë kërkuar bashkimin nuk kane marrë më shumë se 100 vota. Kursi ndryshoi papritur gjatë këtij viti. Shenjat e para të një fjalori më nacionalist u vërejtën gjatë ceremonisë së hapjes së tunelit të Kalimashit, ku Berisha thirri Kryemsintrin e Kosovës dhe Presidentin Sejdiu. Berisha foli aty për tunelin e Kombit dhe të ardhmen e përbashkët të kombit shqiptar.

faqja pasardhese...