Papandreu : Politika e re

Zgjedhjet e fundit parlamentare në Greqi I dhanë fund një truku të përsëritur elektoral që kryeministrat në krizë në vendin fqinjë përdornin për të rifituar pushtetin. Fillimisht ish-kryeministri Kostas Simitis i PASOK-ut dhe dy herë radhazi kryeministri Karamanlis provokuan vet zgjedhje të parakohshme me shpresë për të rimarrë pushtetin për shkak të befasisë në të cilën gjenin kundërshtarin. Kjo taktikë me të cilën Karamanlisi rifitoi dy vjet më parë dështoi dhe të dielën partia mori rreth dhjetë për qind më pak se PASOK, një diferencë kjo historike për zgjedhjet në Greqi.
Udhëheqësi socialist Jorgo Papandreu, një pinjoll i familjes politike Papandreu, e shpalli fitoren qe kur sondazhet paraprake siguruan një diferencë prej 8 për qindësh me rivalin e tij.
Ashtu sikundër shkaku i shpalljes së zgjedhjeve ishte kriza ekonomike, shkaku për fitoren e socialistëve ishte humbja e besueshmërisë për kryeministrin Karamanlis për t’i dhënë një shans të ri paketës së tij. Plani i propozuar nga Papandreu, mund të mos jetë dëgjuar dhe kuptuar qartë nga grekët, por ka fituar nga mosbesimi që kishin për qeverinë e Karamalisit. Nga ana tjetër shumë afera korruptive brenë autoritetin e qeverisë konservatore dhe popullariteti i Karmanlisit shkoi në rënie.
Në deklaratat e para pas fitores Papandreu i është rikthyer retorikës së të majtëve për vemendje ndaj qytetarit dhe rimëkëmbje të ekonomisë. Ai ka bërë thirrje për unitet dhe solidaritet për të tejkaluar krizën.

Karamalis ndërkohë ka akuzuar qeverisjen e të djathtës si të dominuar nga korrupsioni, klientelizmi, shkeljen e ligjshmërisë dhe shpërdorimi.

Kjo është humbja më e thellë që e djathta ka pësuar në Greqi prej viteve 80-të. Kryeministri Karamanlis ka marrë përgjegjësitë e humbjes dhe është larguar dhe nga drejtimi i partisë, post në të cilin nuk do të rikandidojë më.
Ai theksoi se kishte një plan më të mirë se kundërshtari, por vota popullore kundër e detyron atë të respektojë vullnetin e popullit.

.

Faqja pasardhese