NIS SHQYRTIMI I DRAFTEVE TE PS-se
Amendamentet qe kane ne dore krizen

Komisioni Parlamentar i Ligjeve nis shqyrtimin e dy iniciativave ligjore të opozites, qe parashikojne transparencën e plotë të zgjedhjeve të 28 qershorit. Në mbledhje, kane marre pjese per here te pare edhe të gjithë deputetët e opozitës anëtarë të Komisionit të Ligjeve. Socialisti Damian Gjiknuri, argumentoi përmbajten dhe nevojën e miratimit të dy nismave ligjore, ndersa relatori i drafteve,u caktua Sajmir Tahiri. Deputeti Gjiknuri argumentoi se, miratimi i drafteve të Selise roze zgjidh përfundimisht krizën, pa ndryshuar rezultatin e zgjedhjeve.

Por ende pa nisur shqyrtimi konkret i 2 nismave ligjore, maxhoranca ka mbrojtur qëndrimin e meparshem, se parlamenti nuk mund të hetojë cështje, per te cilat eshte shprehur gjykata me vendim. Sipas anetarit demokrat te komisionit te ligjeve, eduard halimi, hetimi i zgjedhjeve dhe materialeve zgjedhore mund te kryhet vetem nga organi i prokurorise. Nderkohe shefi I mazhorances,Berisha pergjate mbledhjes se grupit parlamentar,kerkoi qe puna e komisionit te ligjeve te dominohet nga fryma e konsensusit,duke ia lene ne kete menyre ketij komisioni faturen e ndonje deshtimi te mundshem…

Partia Socialiste e zhvendosi aksionin politik per transparence te zgjedhjeve, nga protestat popullore ne sallen e parlamentit. Pas rreth 6 muajsh bojkot, te majtet u ri-kthyen me 25 shkurt ne kuvend, duke ofruar si zgjidhje per krizen, 2 nisma ligjore të lidhura me hetimin e pakufizuar te zgjedhjeve të 28 qershorit. Ne projektin e pare, draftuar ne 6 nene, propozohen disa ndryshime ne ligjin per funksionimin e komisioneve hetimore. Në relacionin shoqerues, Partia Socialiste sakteson, se nuk kerkon te përmbysë rezultatin përfundimtar dhe as shfuqizimin e zgjedhjeve. Ne nenin 4 percaktohet ne menyre te detajuar, se organet jane te detyruara te japin gjithe dokumentacionin e nevojshem, brenda 7 ditesh nga marrja e kerkeses.

Por hetimet per zgjedhjet, nuk mund te behen me vone se 6 muaj, nga shpallja e rezultatit per zgjedhjet e pergjithshme, dhe jo me vone se 3 muaj per zgjedhjet vendore. Në çdo rast, veprimtaria e komisionit hetimor do të konsiderohet e përfunduar në kufirin e 24 muajve, që paraprijnë ditën e mbarimit të mandatit të Kuvendit apo të organeve të qeverisjes vendore. Ndersa per zgjedhjet e 28 qershorit, eshte parashikuar nje dispozite kalimtare. Sipas saj, afati i paraqitjes së kërkesës per dokumentacion, fillon nga data e hyrjes në fuqi të këtij ligji. Komisioni hetimor, bashkë me raportin përfundimtar i paraqet Kuvendit edhe rekomandime lidhur me ndryshime të mundshme ligjore, për të parandaluar përsëritjen në të ardhmen të fenomeneve negative, për shoqërinë e shtetin dhe kur çmohet, marrja e masave të mëtejshme nga organi i prokurorisë.

Ne draftin e dyte, qe permban 8 nene, selia roze propozon ngritjen e një komisioni parlamentar të posaçëm me 15 anetare, të kryesuar dhe me shumicë nga opozita, që do të hetojë mbi dyshimet per shkeljet e ligjeve qe rregullojnë procesin zgjedhor, parregullsitë në procesin e numërimit, shpërdorimin e pasurive publike dhe angazhimin e detyruar të punonjësve te administratës publike për fushatat zgjedhore. Objekti i hetimit sipas ketij projektligji, eshte i pakufizuar, persa i perket natyres se materialeve zgjedhore, duke perfshire edhe fletet e votimit nen administrimin e KQZ. PS-ja, përmes draftit, propozon qartazi, se kur eshte nevoja per hetim zgjedhor, lejohet hapja e një ose disa kutive të votimit dhe rinumërimi i tyre.