VIZION PLUS

Parlamenti Europian zhvilloi pasditen e sotme seancën e diskutimeve per te analizuar ecurine e procesit te liberalizimit të vizave për Shqipërinë dhe Bosnjen hercegovinen.
Komisioni për të Drejtat Civile dhe Cështjet e Brendshme në PE analizoi raportin prej 44 faqesh, qe ishte hartuar nga Komisioni Europian mbi plotësimin apo mos-plotesimin e udhërrëfyesit që do të cojë në heqjen e vizave për shqiptarët dhe boshnjakët.
Sipas raportit prej 44 faqesh, vihet në dukje se Shqipëria ka përmbushur një nga katër blloqet e Udhërrëfyesit, ndërsa 3 të tjerët janë plotësuar pjesërisht.
Për këtë arsye, u kërkua zbatimi me efikasitet i një sërë ligjesh dhe strategjive te caktuara.
Nderkohe qe Bosnja ka përparuar duke shenuar progres në tre nga 4 blloqet e udhërrëfyesit.
PE vëren se një pjesë e mirë e kuadrit ligjor është miratuar vetëm në 3 mujorin e parë të këtij viti, megjithëse kriteret përcaktoheshin qartë që në 4 qershor 2008, kur u dorëzua Udhërrëfyesi për heqjen e regjimit të vizave me vendet e hapësirës "Shengen".
Komisioni per ceshtjet e brendshme ne parlametin europian, theksoi se disa ligje jane miratuar vetem ne 2 muajt e fundit, si ligji anti-diskriminim, apo ligji për planin e aksionit ndaj korrupsionit miratuar.
Gjjithashtu, edhe ligji anti-mafia i miratuar në dhjetor të vitit 2009, ndërsa hyri në fuqi vetëm në janar të këtij viti.
Po kështu, edhe ligji mbi planin e aksionit kundër drogës u miratua në mars 2010 si dhe ligji i ri për bashkëpunimin gjyqësor me autoritetet e huaja për çështje kriminale u miratua në dhjetor 2009 dhe hyri në fuqi në shkurt të 2010-ës.
Periudha kohore kur janë miratuar dhe kanë hyrë në fuqi këto ligje përkon me bojkotin gjashtë mujor të opozitës, që do të thotë se mosprania e saj në Parlament për të qenë pjesë e miratimit të këtyre ligjeve nuk ka qenë aspak problem për mazhorancën, e cila i ka miratuar vetëm me votat e saj.
Ne mbledhjen e mbajtur pasdite, komisioni theksoi gjithashtu se mos-prezenca e opozitës në sallën e Kuvendit, ka përcjellë një mesazh jo fort të këndshëm për Brukselin, pasi apeli i institucioneve ndërkombëtare ka qenë për një bashkëpunim të thellë mes forcave politike.
Gjithesesi opinioni i brukselit per heqjen e vizave per shqiperine brenda nje kohe te shkurter mbetet spektik.
Perkunder zerave te perditshem qe vijne nga Brukseli se Shqiperia eshte mbrapa Bosnje Hercegovines ne plotesimin e kritereve per liberalizimin e vizave, ministri i Brendshem Lulzim Basha deklaroi gjate nje raporti ne komisionin e sigurise kombetare se shqiperia eshte ne krye te vendeve te rajonit dhe se pret mendim pozitiv nga komisioni europian.
Ne te njejten linje u shpreh dhe Ministri i Jashtem Ilir Meta, i cili drejton edhe Levizjen Socialiste per Integrim.
Por opozita e vlereson kete qendrim te ministrave pergjegjes per levizjen e lire si nje optimizem te tepruar qe shkon edhe pertej pritshmerise se vete kryeministrit Berisha.
Nese vendimi per liberalizimin e vizave vonon edhe per disa muaj, qeveria vijon te shohe pergjegjesine tek opozita, ndersa kjo e fundit ka gjithashtu pergjigjen e saj.