VIZION PLUS

Bojkoti i zgjedhjeve të pjesshme të 15 nëntorit nga Partia Socialsite, është një hap përpara në krizën e mosbesimit politik që ka mbërthyer vendin, lidhur me isntitucionin e zgjedhjeve. Në kulmin e debatit politik mbi rikthimin e besimit te zgjedhjet në vend, një bojkot i partisë më të madhe të opozitës, më së paku është një shenjë që tregon se sa larg zgjidhjes së kësja krize jemi. Por sa vlerë ka zhvillimi I zgjedhjeve pa opozitën? Nga pikëpamja formale zgjedhjet mund të zhvillohen. Sipas gjithë gjasave komisinerët e opozitës do t’i kalojnë një partie tjetër që e vendos KQZ dhe procesi mund të kryhet. I nëjti proces mund të kryhej dhe në zgjedhjet lokale të vitit 2006 që u shtynë për në shkurt të vitit 2007, por atëherë qeveria e zotit Berisha nuk e bëri atë hap të gabuar. Arsyeja ishte politike. Qeveirsë i duhej certifikata e zgjedhjeve të lira më shumë se sa rezulati, për më tepër që rezultati nuk prekte pushtetin personal të Berishës, por thejsht ushtarë të tij. E njëjta gjë mund të thuhet dhe për zgjedhjet e pjesshme, por duke qenë të pjesshme rëndësia e tyre është më e vogël dhe Berisha mund të operojë administravisht. Por zgjdhjet lokale mund të kryhen pa opozitën duke e thelluar dhe më tej hendekun e mosbesimit politik në vend. Por çmimi që duhet të paguajë qeveria për një paqe me opozitën pas kësja, do të jetë më i madh për shkak të ndarjes më të amdhe që krijohet, nga ky veprim administrativ. Shqetësimi i faktorit ndërkombëtar për këtë çështje, bazohet piëkrisht te kostoja që ka bojkoti i mundshëm i zgjedhjeve të regullta lokale vitin që vjen. Nëse qeveria nuk gjen gjuhën e përbashkët me opozitën, pra nëse nuk sigurohet Kosnesi për të cilin Trojka evropiane bëri dje thirrje në Shqipëri, çdo fitore e Berishës pa opozitën është një humbje e thellë e tij. Për këtë arsye, lajmi më i rëndësishëm nuk është nëse do të zhvillohen apo jo zgjedhjet pa opozitën, por kur do të rikthejë normalitetin politik shumica që të bindë opozitën të besojë sërish te zgjedhjet e lira dhe të ndershme.